आमच्याबद्दल

आत्मा मालिक शैक्षणिक व क्रीडा संकुल, कोकमठाण ही आध्यात्मिक, शैक्षणिक व क्रीडा क्षेत्रात कार्यरत असलेली महाराष्ट्रातील एक नावाजलेली संस्था आहे. संस्थेच्या माध्यमातून परम पूज्य गुरुमाऊलींच्या कृपाशिर्वादाने व संस्थेचे अध्यक्ष मा. नंदकुमार सूर्यवंशी साहेब यांच्या संकल्पनेतून आत्मा मालिक भरतीपूर्व प्रशिक्षण केंद्र सुरू करण्यात आले आहे.

दरवर्षी महाराष्ट्रातील हजारो विद्यार्थी १०वी व १२वी उत्तीर्ण होतात. त्यापैकी अनेक विद्यार्थ्यांचे स्वप्न भारतीय संरक्षण दल (आर्मी, नेव्ही, एअर फोर्स, आसाम रायफल्स, TA बटालियन), तसेच महाराष्ट्र पोलीस व केंद्रीय सुरक्षा दल (CRPF, ITBP, BSF, CISF, RPF) मध्ये भरती होऊन देशसेवा करण्याचे असते.

या विद्यार्थ्यांना योग्य मार्गदर्शन व प्रशिक्षण मिळावे या उद्देशाने हे केंद्र कार्यरत आहे. येथे विद्यार्थ्यांना भरती प्रक्रियेसाठी आवश्यक असलेले शारीरिक प्रशिक्षण, लेखी परीक्षा तयारी, वैद्यकीय तपासणी आणि मुलाखत मार्गदर्शन दिले जाते.

संस्थेमध्ये अनुभवी माजी सैनिक प्रशिक्षक, तज्ञ शिक्षकवृंद आणि आत्मामालिक हॉस्पिटलमधील अनुभवी डॉक्टर यांच्या मार्गदर्शनाखाली विद्यार्थ्यांना संपूर्ण तयारी करून घेतली जाते. तसेच सर्व प्रकारच्या शासकीय भरती परीक्षांसाठी लेखी व मैदानी सरावाची विशेष सोय उपलब्ध आहे.

विद्यार्थ्यांच्या सोयीसाठी ३ महिने, ६ महिने किंवा १ वर्ष अशा कालावधीसाठी प्रशिक्षण वर्ग उपलब्ध आहेत.